A song on Ahobilam Yoganarasimha

August 2014

அஹோபிலம் யோகநரசிம்மரைப் பற்றிய பாடல் 

ராகம்: ரீதிகௌளை

(ப)     ஆளாய் அரியாய்த் தோன்றிய பெருமானே

வாளாந்திருப்பதென்னே?- முறையீடு   

கேளாதிருப்பதென்னே?-   இன்னும்

ஏளாதிருப்பதென்னே?- அந்தியில்           (ஆளாய்)

(அ.ப) கோளாலே படும் துன்பம் சொல்லி

மாளாதே - தூணில் பாலனுக் கிரங்கி        (ஆளாய்)

(ச)    கூர் எயிறும் நீள் உகிரும் கொண்டு எந்தன்

பேர் இடரும் ஊழ்வினையும் கிழித்தி டுந்தன்

சீர் புகழும் பரகாலன் துதித்த அந்தம்

சேர் குன்றம் சிங்கவேள் யோகநர சிம்மம்      (ஆளாய்)

அரும்பதவுரை

ஆள் அரி- நர சிம்ஹம்

வாளாந்து- அலட்சியமாக

ஏளாது - துயில் எழாது (வைணவர் வழக்கு)

அந்தியில் - மாலைப்பொழுதில்

பாலன் - பிரஹலாதன்

கூர் எயிறு - கூர்மையான பல்

நீள் உகிர் - நீண்ட நகம்

பரகாலன் - திருமங்கையாழ்வார்

அந்தம் - அழகு

சிங்கவேள் குன்றம்- அஹோபிலம்